ഐപിഎല്‍ 2025: 18 വര്‍ഷത്തെ കാത്തിരിപ്പിന് വിരാമം; ആര്‍സിബിക്ക് കന്നിക്കിരീടം
അഹമ്മദാബാദ്: ഐപിഎല്‍ ചരിത്രത്തിലെ കാത്തിരിപ്പുകള്‍ അവസാനിപ്പിച്ച് റോയല്‍ ചലഞ്ചേഴ്‌സ് ബെംഗളൂരു കന്നിച്ചാമ്പ്യന്മാരായി. ഐപിഎല്‍ 2025 ഫൈനലില്‍ പഞ്ചാബ് കിംഗ്സിനെതിരെ ആറു റണ്‍സിനാണ് ആര്‍സിബിയുടെ ചരിത്രവിജയം. അഹമ്മദാബാദിലെ നരേന്ദ്ര മോദി സ്റ്റേഡിയത്തിലാണ് മത്സരം അരങ്ങേറിയത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ആര്‍സിബി നിശ്ചിത 20 ഓവറില്‍ ഒന്‍പതു വിക്കറ്റ് നഷ്ടത്തില്‍ 190 റണ്‍സെടുത്തു. മറുപടി ബാറ്റിങ്ങിനിറങ്ങിയ പഞ്ചാബ് ഇന്നിങ്ങ്‌സ് നിശ്ചിത 20 ഓവറില്‍ ഏഴു വിക്കറ്റ് നഷ്ടത്തില്‍ 184 റണ്‍സില്‍ അവസാനിച്ചു. ഇതോടെ വിരാട് കോഹ്ലിയുടെ കിരീട നേടങ്ങളിലേക്ക് ഐപിഎല്ലും ഇടംപിടിച്ചു. പഞ്ചാബിന് വിജയലക്ഷ്യമായിരുന്ന 191 റണ്‍സ് വലിയതല്ലായിരുന്നെങ്കിലും ആര്‍സിബി ബൗളര്‍മാര്‍ കിടിലന്‍ പ്രകടനം കാഴ്ചവെച്ചു. ക്രുനാല്‍ പാണ്ഡ്യ നാല് ഓവറില്‍ 17 റണ്‍സ് മാത്രം വഴങ്ങി രണ്ട് നിര്‍ണായക വിക്കറ്റുകള്‍ വീഴ്ത്തി. ഭുവനേശ്വര്‍ കുമാര്‍, ഒമര്‍സായ്, സ്റ്റോയിനിസ് എന്നിവരും നിര്‍ണായക സംഭാവനകള്‍ നല്‍കി. പഞ്ചാബിന്റെ തുടക്കം ശരിയായിരുന്നു എങ്കിലും മധ്യ ഓവറുകളില്‍ വിക്കറ്റുകള്‍ നഷ്ടമായതോടെയാണ് തോല്‍വിയുടെ ആരംഭം. നാലു തവണ ഫൈനൽ കളിച്ചു തോൽവി ഏറ്റുവാങ്ങിയ ആര്‍സിബിക്ക് ഐപിഎല്‍ കിരീടമെന്ന സ്വപ്നം യാഥാര്‍ഥ്യമാകുമ്പോള്‍ ആരാധകര്‍ക്കൊപ്പം ടീം മാനേജ്മെന്റും ആഘോഷത്തിലാണു.
About The Author
mk28
